Ազգային ժողովում «Հայաստանի Հանրապետության 2016թ. պետական բյուջեի կատարման մասին» տարեկան հաշվետվության ժամանակ ՀՀ ֆինանսների նախարար Վարդան Արամյանը, պատասխանելով ԱԺ ՀՀԿ խմբակցության պատգամավոր Ռուզաննա Մուրադյանի հարցին՝ արդյոք կարճ ժամանակահատվածում մենք կարո՞ղ ենք հաղթահարել դժվարությունները, ասաց. «Մենք կարող ենք հավակնել բարձր տնտեսական աճի, բայց իրագործելության տեսանկյունից բարդ է լինելու»:
Նրա խոսքով՝ ներդրողների վրա մեծապես ազդում են ենթակառուցվածքների վրա գնացող ծախսերը. «Ներդրողը հաշվում է իր կանխիկ հոսքերը: Ուստի ընթացիկ ծախսերի մասով պետք է կամաց-կամաց գոտիները ձգենք»:
Ինչպես նկատեց նախարարը՝ բարդ է, որ մենք մեզ վրա վերցնենք այնպիսի սոցիալական պարտավորություններ, ինչպիսիք ունեն եվրոպական երկրները: