Ազգային ժողովի մշտական հանձնաժողովների համատեղ նիստում ՀՀ 2016թ. պետական բյուջեի կատարման հաշվետվության քննարկման ընթացքում ՀՀ ֆինանսների նախարար Վարդան Արամյանը նշեց, որ հարկաբյուջետային կառավարման գաղափարախոսությունը մաքուր կառավարման և տնտեսության կառավարման կարևորագույն լծակն է է:
Նրա խոսքով՝ իրենց քաղաքականությունն այն է, որ կայունացնեն պարտքը, որովհետև անվերջ աճող պարտքը հանգեցնելու է արտամղման էֆեկտի. «Ուստի 2017-ը կոչեցինք կայունացման բյուջե: 2017-ից հետո մենք պետք է շեշտը դնենք զարգացման քաղաքականության վրա»:
Կապիտալ ծախսերի մասով նա նկատեց, որ պետք է առաջնային հավելման պակասորդը բարձր լինի. «Օրինակ՝ վերջերս ես եղա Գառնիում, և այնտեղ մարդիկ ամեն մեկն իր համար բիզնես է ստեղծել: Հյուրընկալվեցի մեկի մոտ, որը լավ սնունդ էր տալիս: Սա արդեն բիզնես է, նա եկամուտ է ստեղծում»:
Նրա խոսքով՝ կառավարության անելիքն է ճանապարհ սարքել, որպեսզի այդ մարդկանց հոսքերը շատանան:
