Իրանի կառավարությունն ընդունել է որոշում, որը սահմանում է առանց վիզայի ռեժիմ Ռուսաստանից զբոսաշրջային խմբերի համար։ Այս մասին հայտնում է TASS գործակալությունը՝ հղում անելով նախարարների կաբինետի հաղորդագրությանը։
Նշվում է, որ առանց վիզա ռեժիմը սահմանվում է փոխադարձ հիմքով։
Համապատասխան համաձայնագիրը ձեռք էր բերվել դեռևս այս տարվա մարտին Իրանի նախագահ Հասան Ռուհանիի՝ Մոսկվա այցի ժամանակ, որտեղ նա հանդիպում է ունեցել ՌԴ նախագահ Վլադիմիր Պուտինի հետ։ Այդ ժամանակ պետությունների ղեկավարները հույս էին հայտնել, որ պայմանավորվածությունը թույլ կտա ստեղծել «հավելյալ պայմաններ երկրների միջև զբոսաշրջային փոխանակումների ակտիվացման համար»։
Ներկայում ռուս ճանապարհորդը պետք է զբոսաշրջային վիզա ստանա Իրան այցելելու համար։ Դրա համար պետք է հյուպատոսություն ներկայացնել փաստաթղթերի փաթեթ և վճարել 35 եվրո։
