Այսօր գիշեր պապարացիները մոդել Հայդի Քլումի 30-ամյա ընկեր Վիտո Շնաբելին տեսել են Լոնդոնում Chiltern Firehouse ռեստորանի մուտքի մոտ անհայտ թխահերի հետ համբուրվելիս: Հայդին հիմա Նյու-Յորքում է հայտնի «Թոփ-մոդել ամերիկյան ձևով» հեռուստաշոուի նկարահանումների համար, որին նա մասնակցում է որպես հաղորդավարուհի: Այս մասին հայնում է Daily Mail-ը:
Հաղորդվում է, որ Վիտոն և նրա նոր ընկերուհին ռեստորանից հեռացել են գիշերվա մոտ 3:30-ին: Ականատեսների խոսքով՝ նրանք ժամանակ չեն կորցրել տաքսիի սպասելու ընթացքում և համբուրվել են, հետո էլ՝ ավտոմեքենայում: Հայտնի է, որ Վիտոն մեքենայից ավելի շուտ է դուրս եկել և գնացել է իր հյուրանոց, իսկ թխահերը շարունակել է ճանապարհը:
Սա առաջին դեպքը չէ, որ Վիտոյին տեսնում են ուրիշ կնոջ հետ համբուրվելիս: Այս տարվա փետրվարին նման լուսանկարներ տարածվեցին համացանցում, բայց 44-ամյա Հայդիի և երիտասարդ ընկերոջ հարաբերությունները շարունակվեցին նույն ոգով:
