Կառավարության այսօրվա նիստում Երևանի քաղաքապետ Տարոն Մարգարյանը ներկայացրել է «Սպայկա» և «Արմսանպրոդակտ» ՍՊԸ-ներին հողամաս նվիրաբերելու մասին նախագիծը:
Ըստ այդմ՝ քաղաքապետարանը նշված ընկերություններին նվիրում է 76.4 և 86.8 հեկտար հողատարածք (4.7 միլիարդ դրամ արժողությամբ) ջերմոցային համալիր և բորբոսով պանրի գործարան կառուցելու նպատակով:
ՀՀ Կառավարությունը այսօրվա նիստում հավանության է արժանացրել «Սպայկա» և «Արմսանպրոդակտ» սահմանափակ պատասխանատվությամբ ընկերությունների կողմից ներկայացված՝ Նորագավիթ թաղամասին հարող տարածքում 110 հա կիսափակ ջերմոցային համալիրի և պանրի գործարանի կառուցման ներդրումային ծրագրերը՝շեշտելով, որ սրանք հենց այն «արդիական գործարար-նախագծերից են, որոնք կառավարությունը հռչակել է որպես զարգացման հիմնօրինակ»։
Միաժամանակ, կառավարության մամլո հաղորդագրության մեջ հայտարարվում է. «Ցավոք, ձևակերպումների իրավաբանական նրբություններն այս որոշումը քննարկման առարկա են դարձրել, սակայն ակնհայտ է, որ պետություն-համայնք-մասնավոր համագործակցությամբ այս նախաձեռնությունները ժամանակի ընթացքում ոչ միայն չեն թողնելու թերահավատության որևէ նշույլ, այլև օրինակ են դառնալու նոր սերնդի տեխնոլոգիական ծրագրերի իրականացման համար»։