Friday, 29 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

Յուրա Մովսիսյանի պատասխանը Ռուբեն Հայրապետյանին

Թեև աշխարհի առաջնության ընտրական փուլի Մոնտենեգրո-Հայաստան հանդիպումից անցել է մոտ երկու շաբաթ, այդուհանդերձ՝ մերոնց խայտառակ ելույթի վերաբերյալ քննարկումները դեռևս օրակարգային են: Ֆուտբոլասերների զգալի մասն այն կարծիքին է, որ մեր հավաքականի պարտության գլխավոր պատճառը ՀՖՖ նախագահ Ռուբեն Հայրապետյանի՝ դարպասապահ Գևորգ Կասպարովին և Յուրա Մովսիսյանին ազգային թիմ վերադառնալու հնարավորություն չտալն էր: Մոնտենեգրոյի հետ հանդիպմանը հատկապես «փայլեց» Արսեն Բեգլարյանը, ում վստահաբար կարելի է դասել եվրոպական հավաքականներում հանդես եկող ամենավատ և թույլ դարպասապահների շարքին: Կրկին անգամ նկատվում է բարձրակարգ կենտրոնական հարձակվողի պակասը: Առջևի գծում մերոնց գործողությունները պրիմիտիվ էին և անատամ:

Հիշեցնենք, որ Յուրա Մովսիսյանը հարցազրույցներից մեկում նշել է, որ կարոտում է Հայաստանի ազգային հավաքականը՝ ակնարկելով, որ պատրաստ է վերադառնալ: Մոնտենեգրոյի հետ հանդիպմանը նախորդած մամուլի ասուլիսի ժամանակ, սակայն, Ռուբեն Հայրապետյանը, բացառելով Մովսիսյանի վերադարձը, հայտարարել էր. «Եթե կարոտում է, թող հավաքականի խաղերի տեսագրություններն անընդհատ դիտի: Եթե կարոտում են, ինչո՞ւ էին փախչում հավաքականի խաղերից: Խի՞ էր փախնում հավաքականի խաղերից, խի՞ էր հրաժարվում հավաքականում խաղալուց, ձեր աչքի առաջ ա ամեն ինչ եղել, բա ինչո՞վ էր զբաղված վերջին երեք տարին Յուրա Մովսիսյանը: Երեք տարի, ի՞նչ է, ֆուտբո՞լ է նա խաղացել։ Եթե մարդ մեկին կարոտում է, տեսնում գրկախառնվում է, բա որ կարոտում էր, ինչի՞ էր փախնում հավաքականից, մի ժամ առաջ ինչի՞ էր գալիս ասում՝ ոտս ա ցավում… խի՞ էր մարզումներից փախչում, բազմաթիվ բաներ կան»:

Տևական ժամանակ Մովսիսյանը լռում էր, և թվում էր թե ՀՖՖ նախագահի հերթական վիրավորական հայտարարությունն անպատասխան կմնա: Սակայն նախօրեին Յուրա Մովսիսյանը Aysor.am-ի թղթակցի հետ զրույցում, այնուամենայնիվ, անդրադարձել էր Հայաստանի ազգային հավաքականին: Մովսիսյանը նշել էր, որ ընդհանրապես չի կարոտել Հայաստանի հավաքականը և ցանկություն չունի վերադառնալու:

«Ես հիմա ընդհանրապես չեմ կարոտել հավաքականը, մենակ նրան եմ կարոտել, որ իմ ժողովրդին ուրախացնեմ, ու էդ ես կարամ անեմ իմ խաղով՝ իմ թիմում՝ Ամերիկայում: Ես ներկա պահին ընդհանրապես ցանկություն չունեմ մի տեղ խաղամ, որտեղ ուրիշների անհաջողություններն իմ վրա են գցելու»,- ասել է նա:

Թե ում նկատի ունի Մովսիսյանն ուրիշ ասելով՝ կարծում ենք, ակնհայտ է: Մովսիսյանի՝ Հայաստանի ազգային հավաքականն այլևս չկարոտելու պատճառն էլ, կարծում ենք, Հայրապետյանի հայտարարություններն էին, ինչպես նաև Մոնտենեգրոյի հետ հանդիպումը: Այս հավաքականը հնարավոր չէ կարոտել: Հնարավոր չէ, քանզի այն մեկ մարդու թեթև ձեռքով խայտառակում է երկիրը: Հայկական ֆուտբոլում տիրող ռեժիմի հետևանքով ազգային հավաքականում հանդես եկող ֆուտբոլիստները նմանվել են խամաճիկների: Ձախողումներ դեռ շատ են լինելու:

Նկատենք, որ Յուրա Մովսիսյանը չի կարոտել նաև ֆուտբոլիստներին: Մասնավորապես, մեր հավաքականի նախկին հարձակվողը, հայտարարելով, որ ազգային թիմը չի կարոտել, կարող էր նշել, որ կարոտել է խաղընկերներին: Թե ինչու Մովսիսյանը չի հիշատակել խաղընկերներին՝ դժվար է ասել:

Ակնհայտ է, որ հավաքականում տիրող վիճակը ծանր է և անմխիթար: Ցավալի է, որ հայկական ֆուտբոլի վերջին տասնամյակի բոլոր ձախողումները կապված են մի մարդու հետ: Մովսիսյանն այն բացառիկ ֆուտբոլիստներից է, ով պատասխանեց Հայրապետյանին: Վերջինիս կողմից դավաճանների, մոլախոտերի որակավորում են ստացել բազմաթիվ ֆուտբոլիստներ: Նրանցից շատերն ուղղակի արհամարհում են ՀՖՖ նախագահին և վիրավորական արտահայտությունները որևէ կերպ չեն մեկնաբանում:

Մովսիսյանը չէր կարող չարձագանքել Հայրապետյանի հայտարարությանը, քանզի մեծ ավանդ ունի Հայաստանի հավաքականում: Մովսիսյանը կարոտել է երկրպագուներին ուրախացնելու պահերը, որոնք բազմաթիվ են եղել նրա՝ ազգային հավաքականում խաղալու ժամանակ: Կունենա՞ Մովսիսյանը հավաքականի երկրպագուներին ուրախացնելու առիթ՝ դժվար է ասել: Դա կլինի միայն մի դեպքում:

Բաժիններ
Ուղիղ
Լրահոս
Որոնում