Փխենյանը նոր հրթիռային շարժիչի հերթական փորձարկումներն է կատարել, որը կարող է օգտագործվել միջմայրցամաքային բալիստիկ հրթիռում: Այս մասին հայտնել է ամերիկյան Fox News հեռուստաալիքը:
Հեռուստաալիքի աղբյուրների տվյալներով՝ փորձարկումը կայացել է հունիսի 21-ին: Մինչ այդ Փխենյանը համանման գործողություններ էր իրականացրել այս տարվա մարտին: Fox News-ը նշում է, որ ԱՄՆ-ը նաև ակտիվության աճ է արձանագրել այն օբյեկտում, որտեղ Հյուսիսային Կորեան ավելի վաղ միջուկային փորձարկումներ էր կատարում: «Այնտեղ ավելի շատ մարդիկ և ավտոմեքենաներ են եղել, բայց ոչ ոք չգիտի, թե դա ինչ է նշանակում»,- աղբյուրներից մեկի խոսքն է մեջբերում անում հեռուստաալիքը: