Friday, 29 03 2024
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում

ԼՂ հարցը դարձել է գլոբալ անվտանգության խնդիր, և դա արցախցիների հաղթանակն է

Արևմտյան պարբերականները, փորձագիտական շրջանակները վերջին ամիսներին շատ են քննարկում Եվրոպայի առանցքային պետությունների, գլխավորապես Գերմանիայի և Ֆրանսիայի աճող դերակատարությունն այն դեպքում, եթե ներկայիս միտումները շարունակվեն, և Միացյալ Նահանգները նախագահ Թրամփի քաղաքականության հետևանքով իսկապես նվազեցնի իր դերակատարումը համաշխարհային քաղաքականության և հատկապես՝ Եվրամիության երկրների անվտանգության ապահովման գործում: Բնականաբար, այս վերլուծություններին զուգահեռ ակտիվացել են նաև քննարկումներն անվտանգության և պաշտպանության հարցերի շուրջ: Ամերիկյան «Foreign Policy» պարբերականը վերջերս խիստ ուշագրավ հոդված էր հրապարակել Եվրամիության բանակ ստեղծելու՝ եվրոպական շրջանակներում ժամանակ առ ժամանակ քննարկվող խնդրի մասին՝ նշելով, թե Գերմանիան սկսել է կազմավորել եվրոպական բանակ իր հրամանատարության ներքո:

«Ամերիկայի ձայնի» հաղորդմամբ՝ օրերս անվտանգության և պաշտպանության խնդիրների մասին խոսել է նաև Ֆրանսիայի նորընտիր նախագահ Էմանուել Մակրոնը՝ կոչ անելով դաշնակիցներին ավելի ակտիվորեն մասնակցել պաշտպանության ոլորտի հարցերին: «Economist» պարբերականի խմբագիր Էդվարդ Լուկասի կարծիքով՝ «Բրեքսիթից» հետո Ֆրանսիան կդառնա Եվրամիության ամենակարևոր ռազմական ուժը, ինչը կանդրադառնա եվրոպական անվտանգության համակարգի վրա:

Ֆրանս-գերմանական տանդեմի ամրապնդման պարագայում ի՞նչ վերանայումներ կարող են լինել Եվրոպայի անվտանգության հարցերում: Այս նոր իրավիճակում ղարաբաղյան կոնֆլիկտը կարո՞ղ է դիտարկվել եվրոպական անվտանգության և կայունության խնդիրների համատեքստում, և այս զարգացումներն ինչպե՞ս կազդեն Մինսկի խմբի գործընթացում Ֆրանսիայի ակտիվության վրա:

Հարցը շատ բարդ է և բազմաշերտ, «Առաջին լրատվական»-ի հետ զրույցում պատասխանեց Ֆրանսիայի Ռազմավարական հետազոտությունների կենտրոնի փորձագետ Կայծ Մինասյանը՝ խոսելով թե՛ Եվրոպայի խնդիրների, թե՛ Ֆրանսիայի քաղաքականության և թե՛ արցախյան հիմնահարցի մասին:

Փորձագետի խոսքերով՝ շատ հավանական է, որ Ֆրանսիան այսուհետ ավելի մեծ դեր խաղա Եվրոպայի անվտանգության հարցերում, բայց Ֆրանսիան դա անելու է ոչ թե միայնակ, այլև Գերմանիայի հետ միասին՝ փորձելով մեծացնել Եվրոպական միության դերը միջազգային բեմի վրա:

Երկրորդը, Արցախն արդեն իսկ գտնվում է եվրոպական անվտանգության տարածքի մեջ:

«Դա ինչ-որ տեղ արցախցիների հաղթանակն է, որ կարողացան այնպես անել, որպեսզի Ղարաբաղի հարցը դառնա գլոբալ խնդիր: Դա շատ կարևոր է, որովհետև դա նշանակում է, որ Ղարաբաղի հարցը ամբողջությամբ կապված է թե՛ Եվրոպայի, թե՛ Ռուսաստանի, թե՛ Իրանի, թե՛ Թուրքիայի հետ, դարձել է համաշխարհային հարց: Եվ նույնիսկ եթե Հայաստանի դիվանագիտությունն այսօր ավելի կոշտ է՝ գոնե Քառօրյա պատերազմից հետո, դա բավարար չէ»,- նշեց Կայծ Մինասյանը:

Հայաստանի դիվանագիտությունը, ասում է մեր զրուցակիցը, պիտի ունենա հստակ տեսլական, թե որն է մեր նպատակը այս հարցում և ինչ ճանապարհով ենք պատրաստվում դրան հասնել: Այս իմաստով Կայծ Մինասյանը ռազմավարական կարևորության հարց է համարում Արցախի անկախության միջազգային ճանաչման հարցը: Այս հարցը պիտի լինի նաև հայկական Սփյուռքի կազմակերպությունների օրակարգում:

Փորձագետը դժվարանում է կանխատեսել, թե ինչ ակտիվություն կդրսևորի նախագահ Մակրոնը արցախյան հիմնախնդրի կարգավորման հարցերում: Իր խոսքերով՝ ֆրանսիացիները շատ չեն խոսում Ղարաբաղի մասին: Վերջին անգամ հարցի մասին խոսել է նախկին նախագահ Ֆրանսուա Օլանդը՝ հայտարարելով, որ պետք է պատժվի հակամարտության այն կողմը, որը չի հարգում զինադադարը, և եթե կյանքի կոչվեն Մադրիդյան սկզբունքները, Ղարաբաղի ժողովուրդը կունենա ինքնորոշման իրավունք:

Ըստ երևույթին, նախագահ Մակրոնը կփորձի պահպանել հավասարակշռությունը հայկական և ադրբեջանական կողմերի միջև, բայց դժվար է ասել, թե կոնկրետ ինչ շեշտադրումներ նա կանի և ինչպիսի ակտիվություն նա կդրսևորի այս հարցում:

«Կարևոր է, որ դիվանագիտական գործընթացը շարունակվի, և կարծում եմ, որ սա է Մակրոնի ուզածը: Ֆրանսիացիների կարծիքով՝ Ռուսաստանը առաջատար է տարածաշրջանում, և կարևորն այն է, որ պատերազմ չսկսվի: Ինչ-որ տեղ կարելի է նույնիսկ ասել, որ Ղարաբաղի հարցը երրորդական հարց է ֆրանսիացիների համար: Երկրորդը, նրանց համար այնքան էլ կարևոր չէ, թե Ղարաբաղը անկախ կլինի, կմիավորվի Հայաստանի հետ, թե կլինի Ադրբեջանի կազմում: Ֆրանսիացիների համար կարևորն այն է, որ պատերազմ չսկսվի: Ինչո՞ւ՝ սա երկրորդ հարցն է: Ֆրանսիացիների համար կարևոր է, որ այդ շրջանը կայուն լինի, քանի որ կա Իրանի՝ միջազգային բեմ վերադառնալու հարցը: Երբ նայում ես քարտեզին, տեսնում ես, որ Իրանի շուրջ ամենուրեք պատերազմ կա՝ բացի Կովկասի տարածաշրջանից: Ուրեմն ֆրանսիացների, եվրոպացիների համար կարևոր է, որ Իրանի հարստությունները (նավթ, գազ և այլն) անցնեն դեպի Կովկաս, բայց դա նախ և առաջ պահանջում է խաղաղություն և կայունություն: Դրա համար է, որ Ղարաբաղի հարցը կարևոր է ֆրանսիացիների համար, բայց ոչ առաջնային»,- մեկնաբանեց Կայծ Մինասյանը:

Բաժիններ
Ուղիղ
Լրահոս
Որոնում