Ամերիկացի ուսուցիչ Նիկոս Հաինոպուլոսը Սպիտակ տանը լուսանկարվել է Դոնալդ Թրամփի և նրա տիկնոջ՝ Մելանյայի հետ, այնուհետև լուսանկարը տեղադրել է Facebook-ում. օգտատերերը միանգամից բուռն են արձագանքել. պատճառը ուսուցչի տարօրինակ հանդերձանքն է՝ գրում է huser.com.ua-ը:
29-ամյա ուսուցիչը Սպիտակ տուն է ժամանել, որպեսզի այլ ուսուցիչների հետ ստանա «Տարվա ուսուցիչ» պարգևը: Ի տարբերություն իր գործընկերների՝ Հաինոպուլոսին հաջողվել է դառնալ սոցցանցի աստղ՝ շնորհիվ նախագահի և նրա տիկնոջ հետ արված լուսանկարի:
Միլիոնավոր օգտատերերի աչքից չի վրիպել այն, որ ուսուցչի սև պիջակին փակցված է եղել ծիածանի տեսքով կրծքանշան, որը խորհրդանշում է երախտագիտություն ԼԳՏԲ համայնքին: Նիկոսի ձեռքի հովհարը նույնպես գենդերային ազատության խորհրդանիշ է: