Ղազախստանում մտադիր են արգելել նիկաբ ու փարանջա կրել հասարակական վայրերում ու քայլեր ձեռնարկել անհավատների իրավունքների պաշտպանության համար, հայտնում է Sputnik Ղազախստանը՝ վկայակոչելով Կրոնական ու քաղաքացիական հասարակության գործերով նախարարությունը։
Համապատասխան օրինագիծը գտնվում է մշակման փուլում։ Իշխանությունները նաեւ մտադիր են խստացնել պատասխանատվությունը անչափահասներին ապօրինաբար կրոնական գործունեության մեջ ներգրավելու համար, բարձրացնել հոգեւոր կազմակերպությունների ֆինանսական թափանցիկությունը ու ուժեղացնել դրանց հետ կապեր ունեցող պետծառայողների նկատմամբ հսկողությունը։
Հատուկ ուշադրություն են հատկացնելու աթեիստների իրավունքների պաշտպանությանն ու արտասահմանում հոգեւոր կրթության ստացման միջոցների կանոնակարգմանը։ Բացի դրանից, հասարակական վայրերում արգելվելու է այնպիսի հագուստը, որը խոչընդոտում է դեմքը ճանաչելուն։