Օրերս հեղինակավոր Forbes ամսագիրը ներկայացրել էր շոու-բիզնեսի և սպորտի ոլորտի՝ ամենաբարձր վարձատրվող աստղերի վարկանիշը: Այն գլխավորում է Փաֆ Դեդին (Շոն Քոմբս): 47-ամյա ռեփերն անցյալ տարվա ընթացքում 130 մլն դոլար է վաստակել: Իսկ Քիմը 45.5 մլն դոլարով հայտնվել է 47-րդ տեղում:
Իսկ երեկ երեկոյան Նյու Յորքում 36-ամյա հայուհին մասնակցել է Forbes Women գագաթնաժողովին, ուր ժամանել է գործնական կոստյումով:
Քիմին դիմավորել է ամերիկացի հրատարակիչ, գործարար և քաղաքական գործիչ, Forbes-ի գլխավոր տնօրեն Սթիվ Ֆորբսը:
Նա Քիմ Քարդաշյանին 1896 թվականին հրատարակված Հայաստանի պատմության մասին գիրք է նվիրել:
Գագաթնաժողովին Քիմը ելույթ է ունեցել՝ նշելով. «Իմ ծնողները շատ էին աշխատում: Հայրս ամեն առավոտ աշխատանքի էր գնում և վերադառնում ուշ երեկոյան: Բայց մայրս ավելի նախաձեռնող էր, և ես սկսեցի նրանից օրինակ վերցնել: Ռեալիթի շոուն իմ առաջին քայլն է բիզնեսում, հիմա ես իմ սոցիալական հարթակներն օգտագործում եմ բիզնեսի համար:
Ես գիտեմ՝ ինչպիսի տեսք պիտի ունենա իմ Instagram-ը, որպեսզի իմ նախագծերն արձագանք գտնեն բաժանորդների շրջանում: Իմ բոլոր նախաձեռնությունները՝ երեխաների համար հագուստի սեփական ապրանքանիշ, կոսմետիկ արտադրանք, բջջային հավելվածների համար իմոջիներ, ամեն ինչ եկամուտ բերեց, քանի որ ես վստահ էի իմ ուժերին, միշտ ուզում էի սեփական գործս ունենալ, և ես այն ունեմ, ես հարյուր տոկոսով ներգրավված եմ իմ բիզնես-նախագծերում: Իսկ ռեալիթի շոուն իր հերթին մեր ընտանիքին օգնում է միասին լինել»,- հայտարարել է Քիմը: