Իրաքյան Քրդստանի իշխանությունները հայտարարել են տարածաշրջանի անկախության հարցով հանրաքվեի անցկացման ամսաթիվը։ Այս մասին հայտնում է Reuters գործակալությունը։
Քրդստանի նախագահ Մասուդ Բարզանիի օգնականի խոսքով՝ հանրաքվեն կանցկացվի 2017 թվականի սեպտեմբերի 25-ին։ Բնակիչները կորոշեն՝ պահպանե՞լ լայն ինքնավարությունն Իրաքի կազմում թե՞հայտարարել լիարժեք անկախության մասին։
Քուրդ պաշտոնյաները պարզաբանել են, որ տարածքի կազմում, որտեղ կանցկացվի հանրաքվեն, իրենք մտադիր են ներառել Քիրկուկ քաղաքն ու նրա մատույցները։ Ներկա պահին դրանք գտնվում են քրդական աշխարհազորի վերահսկողության տակ, սակայն Բաղդադը պաշտոնապես չի ճանաչում այդ շրջանն Իրաքյան Քրդստանի մաս։
