Ն.Ս.Օ. Տ.Տ. Գարեգին Բ ծայրագույն պատրիարք և Ամենայն Հայոց կաթողիկոսը «Առաջին լրատվականի» հետ զրույցում անդրադարձավ է Պոլսո պատրիարքության շուրջ ստեղծված իրավիճակին: «Աշխատանքներն ընթացքի մեջ են»,- ասաց նա:
Հարցին՝ արդյոք այս տարի Պոլսո նոր պատրիարք կունենա՞նք, Վեհափառն արձագանքեց. «Ծրագիրն այդ է, ծրագիրն այդ է»:
Հիշեցնենք, որ Պոլսո Հայոց պատրիարքական փոխանորդ Արամ արքեպիսկոպոս Աթեշյանը մայիսի 24-ին վերջապես հրաժարական տվեց՝ կոչ անելով համախմբվել և պատրաստվել պատրիարքի ընտրություններին. «Մեր կոչն է համախմբվիլ Տեղապահ սրբազան հոր շուրջ եւ ջանք ու եռանդ չխնայել ժամ առաջ մեր Աթոռի նոր գահակալը ողջունելու ճանապարհին։ Իրեն այժմեն կմաղթենք բարի գալուստ, հաջողությւուն, ուժ եւ կարողություն՝ ի պայծառություն եւ հանսասանություն մեր դարավոր Պատրիարքական աթոռին»,- ասված է Արամ սրբազանի տարածած հայտարարության մեջ։
Դեռ մարտին Պոլսո Հայոց պատրիարքական փոխանորդ Արամ արքեպիսկոպոս Աթեշյանը հրաժարական էր տվել «Հովակիմ 1461» հիմնադրամի նախագահի պաշտոնից, սակայն հայտարարել էր, թե չի պատրաստվում հրաժարական տալ փոխանորդի պաշտոնից։ Մարտի 15-ին տեղապահի ընտրությունից հետո Արամ սրբազանը, տեսնելով, որ տեղապահ է ընտրվել Գարեգին Բեկչյանը, ներկայացրել էր Ստամբուլի փոխնահանգապետի գրությունը, ըստ որի՝ տեղապահի ընտրություններն անօրինական էին համարվում։