WWDC 2017 համաժողովի շրջանակում Apple կալիֆորնիական կորպորացիան ներկայացրել է իր օպերացիոն համակարգերի նոր տարբերակները, այդ թվում iOS 11-ը։ Այս մասին հայտնում է apple.com-ը։
iOS-ում հայտնվել է iMessage-ի և Apple Pay-ի օգնությամբ ծանոթներին գումար ուղարկելու հնարավորություն։ Ընկերությունն օպտիմալացրել է սարքում տարածության կիրառումը. մեսենջերի հաղորդագրությունները կպահվեն iCloud-ում, իսկ լուսանկարներն ու հոլովակները «կկշռեն» ավելի թեթև՝ առանց որակի կորստի։
«Կառավարման կենտրոնը» նոր դիզայն է ստացել։ Վերադիզայնավորվել է նաև App Store-ը։
Համակարգում կհայտնվի «Ղեկին չանհանգստացնել» հատուկ ռեժիմը։ Այն կակտիվանա ավտոմատ կերպով, երբ համակարգը ճանաչի, որ օգտատերը մեքենա է վարում։
Համակարգը ներբեռնման համար հասանելի կդառնա 2017 թվականի աշնանը։
