Տարածաշրջանային հետազոտությունների կենտրոնի առաջատար վերլուծաբան Դավիթ Շահնազարյանը լրագրողների հետ հանդիպմանը նկատեց, որ մեր տարածաշրջանում և մասնավորապես ԼՂ խնդրի շուրջ շատ մեծ հակասություններ կան Իրանի և Իսրայելի քաղաքականությունների միջև: Նրա խոսքով՝ դա բաց տեքստով ասվել է ՀՀ պաշտպանության նախարարին. «Կարծում եմ՝ անվտանգության ոլորտում շատ մեծ պոտենցիալ կա Իրանի հետ համագործակցության: Սա այն հնարավորությունն է, որ Հայաստանը պետք է օգտագործի»:
Ինչպես նկատեց պարոն Շահնազարյանը, աշխարհում ընդհանրապես անվտանգության ճգնածամ է, որը գալիս է հավանաբար լիբերալ-դեմոկրատիայի ճգնաժամից:
Բանախոսի կարծիքով՝ ԱՄՆ-ը չունի հստակ մշակված քաղաքականություն Հարավային Կովկասի, Եվրոպայի նկատմամբ, նաև՝ Ռուսաստանի. «Մյուս կողմից՝ Հայաստանին արվել է աննախադեպ առաջարկ. նկատի ունեմ ԱՄՆ դեսպանի առաջարկը՝ կապված Հայաստանում վերականգնողական էներգետիկայի համալիր ստեղծելու հետ, որը ուղղակիորեն առնվազն լուծում է Հայաստանի էներգետիկ անվտանգության խնդիրը: Ցավոք, Հայաստանի կառավարությունը առայժմ համարժեք որևէ արձագանք չի տվել. ես չեմ տեսնում այն խանդավառությունը, որ պետք է լիներ»:
Մանրամասները՝ տեսանյութում: