Խորհրդարանական կառավարման ձևին ամբողջապես անցնելու ենք 2018-ին, երբ ՀՀ նախագահի լիազորությունների ժամկետը կլրանա: Այդ մասին «Առաջին լրատվական»-ի հետ զրույցում ասաց սահմանադրագետ Վարդան Այվազյանը: Ինչ վերաբերում է քաղաքական գործիչների այն գնահատականին, թե կառավարության վրա ազդելու անհրաժեշտ լծակներ չունեն, Վարդան Այվազյանը տարօրինակ որակեց:
«Մեր Սահմանադրությամբ՝ խորհրդարանական կառավարման ձևին համապատասխան են և՛ խորհրդարանի լիազորությունները, և՛ կառավարության: Եթե նախկինում խորհրդարանի մշտական հանձնաժողովները միայն օրենսդրական նախագծերի վերաբերյալ նախնական քննարկում և նախնական կարծիք էին տալիս, հիմա նրանք Սահմանադրությամբ օժտված են խորհրդարանական վերահսկողության գործառույթներով: Որպես նորույթ՝ խորհրդարանական խմբակցությունները կարող են դիմել կառավարությանը և այդ հարցապնդումների արդյունքում ընդհուպ կարող են խորհրդարանում վարչապետին անվստահություն հայտնելու հարց բարձրացնել կամ նախարարին աշխատանքից ազատելու»,- ասաց սահմանադրագետը:
Ամբողջությամբ՝ տեսանյութում: