Աշխարհում մարդիկ գնալով ավելի ու ավելի քիչ են ալկոհոլ օգտագործում՝ ասվում է International Wine and Spirits Record-ի հաշվետվությունում, որի կազմողները հետևել են ալկոհոլային ըմպելիքների գլոբալ սպառմանը։ Այս մասին հայտնում է BBC-ն։
Գարեջրի վաճառքի՝ 1.8 տոկոսով անկման պատճառով ալկոհոլային արտադրանքների վաճառքի համաշխարհային շուկան 2016 թվականին կրճատվել է 1.3 տոկոսով։
Վերջին 5 տարիներին վաճառքի անկումը պահպանվել է 0.3 տոկոս մակարդակի վրա, այնպես որ 2016 թվականի տվյալները խոսում են արտադրողների համար շատ ավելի լուրջ խնդիրների մասին։
Հաշվետվության համաձայն՝ գինու վաճառքը միջինը գտնվում է նույն մակարդակի վրա։