Ամերիկացի հայտնի դերասան, «Օսկար» մրցանակի դափնեկիր, կլիմայի հարցերով ՄԱԿ-ի խաղաղության դեսպան Լեոնարդո դի Կապրիոն այն կարծիքին Է, որ կլիմայի վերաբերյալ Փարիզի համաձայնագրից ԱՄՆ-ը դուրս բերելու նախագահ Դոնալդ Թրամփի որոշումը «տառապանքներ» կբերի Երկրին:
Նախօրյակին Թրամփը հայտարարել Է կլիմայի վերաբերյալ համաձայնագրից ԱՄՆ-ի դուրս գալու մասին: Նրա համոզմամբ՝ այն շահավետ չԷ Միացյալ Նահանգների համար: Նախագահն ասել Է, որ ԱՄՆ-ը բանակցություններ կսկսի կա՛մ Փարիզի համաձայնագրին կրկնական անդամակցության, կա՛մ «նոր գործարքի» կնքման շուրջը «Միացյալ Նահանգների, նրա ձեռնարկությունների, նրա աշխատողների, նրա մարդկանց, նրա հարկատուների համար արդարացի պայմաններով»: «Այսօր մեր մոլորակը տառապում Է: Այժմ, ինչպես երբեք, կարեւոր Է միջոցներ ձեռնարկել»,-գրել Է դի Կապրիոն Twitter-ի իր միկրոբլոգում: Ավելի վաղ դերասանը հորդորել Էր Միացյալ Նահանգների ղեկավարին՝ բարոյական որոշում ընդունել հանուն ապագա սերունդների պաշտպանության: Փարիզի համաձայնագիրն ընդունվել Է 2015 թվականի դեկտեմբերի 12-ին Ֆրանսիայի մայրաքաղաքում կայացած խորհրդաժողովի արդյունքներով: Համաժողովի 195 մասնակիցներ համաձայնության են եկել թույլ չտալու մինչեւ 2100 թվականը մինչինդուստրիալ դարաշրջանի համեմատությամբ մոլորակի վրա միջին ջերմաստիճանի բարձրացում Ցելսիուսի 2 աստիճանից ավելի:
Գիտնականները կարծում են, որ ջերմաստիճանի ավելի զգալի բարձրացումը, որի պատճառը հանածո վառելիքի այրման հետեւանքով մթնոլորտ ածխաթթվական գազի արտանետումներն են, կարող Է անդառնալի հետեւանքների հանգեցնել մոլորակի բնապահպանության համար: 2016 թվականի ապրիլի 22-ին ՄԱԿ-ի կենտրոնակայանում կայացած գագաթնաժողովում 175 պետություններ, այդ թվում՝ Ռուսաստանը, Գերմանիան, Հնդկաստանը, Չինաստանը եւ ԱՄՆ-ն, ստորագրել են այդ համաձայնագիրը: Պայմանագրի համաձայն՝ ԱՄՆ-ը պարտավորվել Է մինչեւ 2025 թվականը արտանետումների մակարդակը 10-ամյա վաղեմության ցուցանիշների համեմատությամբ կրճատել 26 – 28 տոկոսով, հաղորդել Է ՌԻԱ Նովոստին: