Հայաստանում ԱՄՆ խաղաղության կորպուսի կամավոր Քեն Սիրոուն լրագրողների հետ զրույցում, խոսելով հայերեն, նշեց, որ արդեն մեկ տարի է ծրագրի շրջանակներում կամավորական գործունեություն է ծավալում: Նա նշեց, որ վաղվանից մեկնարկելու է «Սահմանից սահման» ծրագիրը, որի շրջանակում դասավանդելու են առողջ ապրելակերպի մասին:
Քեն Սիրոուն կամավորական աշխատանքն իրականացնում է հիմնականում Մեղրիում: «Մեղրին ընտիր քաղաք ա, շատ լավ քաղաք ա, մարդիկ լավն են, աշակերտները սիրում են անգլերեն սովորել»,- վստահեցրեց Հայաստանում ԱՄՆ խաղաղության կորպուսի կամավորը:
Հիշեցնենք՝ այսօր Հայաստանում նշվում է ԱՄՆ Խաղաղության կորպուսի՝ Հայաստանում գործունեության 25-ամյակը: Տեղի ունեցավ նաև Խաղաղության կորպուսի 25-րդ խմբի 42 կամավորների երդման արարողությունը:
Նոր խմբի կամավորների համալրմամբ՝ Հայաստանի տարբեր գյուղական վայրերում և քաղաքներում այժմ ծառայում է Խաղաղության կորպուսի մոտ 110 կամավոր:
Մանրամասները՝ տեսանյութում: