Վարչապետ Կարեն Կարապետյանը կառավարության այսօրվա նիստում անդրադարձավ «Մաքուր Հայաստան» ծրագրին: Նա ընդգծեց, որ ծրագրի շրջանակներում մայիսի 27-ին կայացած համապետական շաբաթօրյակից հետո, նախնական տվյալներով, պարզվել է, որ ավելի քան 750 տնտեսվարող սուբյեկտ , որոնց մեջ ներառված են և՛ առևտրի, և՛ սննդի օբյեկտներ, չունեն աղբահանության ծառայությունների համապատասխան պայմանագրեր։
Վարչապետը նշեց, որ շաբաթօրյակները կրելու են շարունակական բնույթ ու ավելի համակարգված են իրականացվելու։
Տարածքաին կառավարման և զարգացման նախարարին և մարզպետներին վարչապետը հանձնարարեց մեկ շաբաթվա ընթացքում ներկայացնել մայիսի 27-ին տեղի ունեցած շաբաթօրյակի արդյունքերի վերաբերյալ տեղեկատվություն:
Վարչապետը հանձնարարեց նաև գույքագրել Երևանից դուրս գտնվող զբոսաշրջային վայրերում ու դրանց հարակից տարածքներում աղբամանների, զուգարանների, գազալցակայանների թիվը. «Ըստ այդմ, անհրաժեշտության դեպքում պետք է ապահովվի դրանց հասանելիությունը քաղաքացիների համար։ Գազալցակայանը և հասարակական օբյեկտները պետք է ունենան նորմերին համապատասխան զուգարաններ և աղբամաններ»:
Մանրամասները՝ տեսանյութում: