Կառավարության այսօրվա նիստում ՀՀ վարչապետ Կարեն Կարապետյանը հերթական հանձնարարականներ տվեց, որոնք վերաբերում էին հաշվետվություններ ներկայացնելուն: Նա ասաց, որ բազմիցս նշել են, որ իրենց կողմից իրականացվող գործողությունները և միջոցառումները պետք է հանգեցնեն յուրաքանչյուր ոլորտում կիրառական և շոշափելի արդյունքների:
«Միաժամանակ մեր կողմից արձանագրվել է համայնքների և մարզերի զարգացման ծրագրերի կարևորությունը: Ակնհայտ է, որ առկա է այդ ծրագրերի իրագործման և խնդիրների բացահայտման համար լրացուցիչ խորհրդակցությունների անհրաժեշտություն»,-ասաց նա:
Վարչապետը հանրապետական գործադիր մարմիններին հանձնարարեց քսանօրյա ժամկետում կառավարության աշխատակազմ ներկայացնել տեղեկատվություն 2017 թվականին իրականացված գործողությունների հետևանքով արձանագրված կոնկրետ արդյունքների վերաբերյալ, որոնք դրական ազդեցություն են ունեցել քաղաքացիների իրավունքների պաշտպանության համար, պարզեցրել են վարչարարությունը, կանխարգելել են և նվազեցրել են կոռուպցիոն ռիսկերը, նպաստել են բիզնես միջավայրի զարգացմանը և այլն:
Վարչապետը հանձնարարեց նաև մեկ շաբաթյա ընթացքում ներկայացնել ժամանակացույց, պաշտոնատար անձանց մասնակցության ցանկ, օրակարգ՝ ՀՀ մարզերում ըստ մարզային առաջնահերթությունների ընդլայնված կազմով խորհրդակցությունների կազմակերպման և իրականացման համար:
Մանրամասները ՝ տեսանյութում: