Հայաստանում հետընտրական զարգացումները լինում են սովորաբար նախագահական ընտրություններից հետո։ Այս մասին մեզ հետ զրույցում նշեց «Ժողովրդավարական հայրենիք» կուսակցության ղեկավար Պետրոս Մակեյանը։
Այս անգամ, նրա խոսքերով՝ ընտրություններին մասնակցող ուժերը, կամ գոնե դրանց մի մասը փորձում էին ձևացնել, թե այս ընտրությունները համարժեք են նախագահական ընտրություններին։ Ֆորմալ առումով գուցե դա ճիշտ է, բայց իրականում դա հանրությանը հասու չեղավ։ Չեղավ ոչ թե այն պատճառով, որ ժողովուրդը չընկալեց դրա լրջությունը, այլ այն քաղաքական ուժերը, որոնք մասնակցում էին կամ չձևավորեցին այն ուժային կենտրոնը, որը հասարակությունը կընկալեր որպես լուրջ քաղաքական գործընթաց տանող ուժ։
Նրա խոսքերով՝ երկիրը կորցնելու լուրջ վտանգի տակ ենք, վարչախումբը «քյանդրբազ» խաղացողի նման է խաղում: