Ադրբեջանցի լրագրող Աֆղան Մուխթարլըն, որին անօրինական կերպով անցկացրել են վրացա-ադրբեջանական սահմանը, կտտանքների է ենթարկվել և ձերբակալվել Ադրբեջանում։ Այս մասին ասվում է իրավապաշտպան Amnesty International կազմակերպության հայտարարությունում հաղորդում է contact.az-ը։
«Սա իրավիճակի վատագույն զարգացում է մի երկրում, որտեղ լրագրողները ու իրավապաշտպաններն ճնշումների են ենթարկվում։ Աֆղան Մուխթարլըն անհապաղ պետք է ազատ արձակվի և չպետք է կտտաքնների ենթարկվի։ Նա խղճի բանտարկյալ է»,- ասել է Թբիլիսիում գտնվող Amnesty International-ի ներկայացուցիչ Լևան Ասաթիանին։
Մուխթրալըի փաստաբանի խոսքով՝ իր պաշտպանյալին Թբիլիսիում առևանգել են քաղաքացիական հագուստով մարդիկ, ավտոմեքենա նստեցրել, քաղաքից դուրս տարել և ծեծի ենթարկել, որից հետո Մուխթարլըին մի քանի անգամ տարբեր մեքենաներ են նստեցրել, գլխին պարկ անցկացրել ու նրա հետ միասին հատել սահմանը։
Իրավապաշտպանը նշել է, որ Վրաստանի իշխանություններն ըստ ամենայնի մասնակից են Մուխթարլըին բռնի Ադրբեջան տեղափոխելու գործին։ «Վրաստանի իշխանությունները պետք է միջադեպի անհապաղ և ազնիվ հետաքննություն իրականացնեն ու հաշվետվություն ներկայացնեն այդ գործողության բոլոր մասնակիցների վերաբերյալ»,- հավելել է նա։