ԱՄՆ Տեխասի նահանգում օձը փորձել է կուլ տալ իրենից չափսերով փոքր մեկ այլ օձի, սակայն նրան խանգարել են անցորդները, որոնք կատարվածը նկարահանել են՝ տեղեկացնում է Daily Mail-ը:
Ականատեսներից մեկի խոսքով՝ ինքը որոշել է տեսանկարել ճանապարհից ոչ հեռու նկատված օձին: Երբ միացրել է տեսախցիկը, օձը սկսել է բերանից հանել մեկ այլ օձի: Ցեղակցի կողմից «կերված» օձը կենդանի է մնացել, իսկ նրան «նեղացնողը» շտապել է հեռանալ:
Լրատվամիջոցը տեղեկացնում է, որ օձերին հատուկ է սպառնալիքի դեպքում կերածից ազատվելը: Դատելով ամենից՝ օձը, տեսնելով մարդկանց, շտապել է թաքնվել, ինչն էլ փրկել է նրա զոհի կյանքը:
