Ամեն օր Ռուսաստանը փորձում է Վրաստանից ավելի ու ավելի շատ հող խլել, որպեսզի ուժեղացնի իր ներկայությունը և ազդեցությունը այստեղ: Այս մասին Թբիլիսիում ՆԱՏՕ-ի Խորհրդարանական վեհաժողովի գարնանային նստաշրջանում ելույթի ժամանակ հայտարարել է ՆԱՏՕ-ի Խորհրդարանական վեհաժողովի նախագահ Պաոլո Ալլին՝ գրում է apsny.ge-ն:
Ալլիի խոսքով՝ Վրաստանի ինքնավարությանն ու տարածքային ամբողջականությանն աջակցությունը ՆԱՏՕ-ի Խորհրդարանական վեհաժողովի առաջնահերթություններից է:
«Վեհաժողովը մշտապես քննադատում է Ռուսաստանի կողմից Աբխազիայի, Հարավային Օսիայի անթույլատրելի բռնազավթումը: Մենք տեսանք վարչական սահմանային գոտին. Ռուսաստանի կողմից սողացող բռնազավթումն անթույլատրելի է: Մեր զեկույցում դրա մասին հստակ հայտարարություն կարվի: Դա կլինի մեր ամուր աջակցությունը և այն բանի արտահայտությունը, որ Վրաստանը պետք է ՆԱՏՕ-ի ընտանիքի անդամ դառնա»,- հայտարարել է Ալլին:
