ԱՄՆ-ի օդագնացության և տիեզերքի ուսումնասիրության ազգային վարչությունը (NASA) հայտարարել է զոնդ արձակելու մտադրության մասին, որը կընկղմվի Արեգակի մթնոլորտում: Այդ մասին հայտնել Է գործակալության կայքը:
Solar Probe Plus կոչվող առաքելության նպատակն արեգակնային ակտիվության վերաբերյալ տվյալների հավաքումն Է: Դա, հավանաբար, մարդկանց կօգնի կանխատեսել բռնկումներն ու Երկրի վրա առաջացող մագնիսական փոթորիկները: Սարքը, որը «կշոշափի» Արեգակը, արձակվելու Է 2018 թվականի օգոստոսին: Յոթ տարվա ընթացքում զոնդը շտկելու է իր հետագիծը՝ դրա համար օգտագործելով Վեներայի տիեզերական ձգողականության դաշտը, որի կողքով նա կանցնի յոթ անգամ: Դրանից հետո նա Արեգակին կմոտենա նվազագույն տարածությամբ՝ վեց միլիոն կիլոմետր:
Զոնդը պետք Է դիմանա Ցելսիուսի 1400 աստիճանին: Դրա համար ճարտարագետները նախատեսել են 11,5 սանտիմետր հաստությամբ ջերմապաշտպանիչ էկրան, որը պատրաստված կլինի կոմպոզիտային նյութից՝ ածխածնային մանրաթելով: Բացի այդ, սարքը կհանդերձվի սառեցման ջրային համակարգով:
