«Առաջին լրատվական»-ի զրուցակիցն է «Ելք» խմբակցության պատգամավոր Արարատ Միրզոյանը:
– Պարոն Միրզոյան, տևական ժամանակ է՝ քննարկվում է, որ արտախորհրդարանական ընդդիմադիր հզոր բևեռ է ձևավորվելու: Ձեզ հուզո՞ւմ է այս հանգամանքը:
– Իհարկե, հուզում է, եթե նման քաղաքական գործընթաց է ընթանում: Ես մի քիչ անակնկալի եկա ձեր հարցից, որ տևական ժամանակ է՝ նման քննարկումներ են: Անկեղծ ասած, ես տեղյակ չեմ, ո՛չ ժամկետի առումով եմ համաձայն, ո՛չ էլ քննարկման ընդգրկունության տեսանկյունից: Ես գոնե շատ հպանցիկ լսել եմ, որ նման կարծիքներ են հնչել, բայց որ լուրջ քննարկում կա՝ այդ մասին տեղյակ չեմ:
– Արդյոք խորհրդարանից դուրս մեծ արտախորհրդարանական ընդդիմադիր բևեռ ստեղծելու ցանկությունը չի՞ վկայում այն մասին, որ հասարակության մի ստվար հատված ընդհանրապես չի վստահում որևէ խորհրդարանական ուժի։
– Նախ՝ եկեք տերմինները մի փոքր փորձենք պարզաբանել, ինչ է նշանակում՝ արտախորհրդարանական հզոր բևեռ, և ինչ է նշանակում՝ վստահություն չկա որևէ խորհրդարանական ուժի նկատմամբ: Եվ եթե որևէ վստահություն չկա որևէ խորհրդարանական ուժի նկատմամբ, այդ թվում՝ «Ելք» դաշինքի, ապա ինչո՞ւ է քննարկվում «Ելք» դաշինքի մասնակցությամբ հզոր արտախորհրդարանական բևեռ ստեղծելու գաղափարը: Աստծու սիրուն, համեցեք, ստեղծեք: Մենք էլ ենք պատրաստ ցանկացած համագործակցության, կախված է բովանդակությունից, ֆորմատից:
Հարցազրույցն ամբողջությամբ՝ տեսանյութում:
