Մոսկվայի օդանավակայաններում հետաձգվել է ավելի քան 30 չվերթ: Ինչպես հաղորդում է Gazeta-ն, Դոմոդեդովո» օդանավակայանում հետաձգվել է 21 չվերթ, չեղարկվել է 6-ը: «Շերեմետևո» օդանավակայանում հետաձգվել է 10 չվերթ:
Ռուսաստանի հիդրոօդերևութաբանական կենտրոնի փոխանցմամբ՝ Մոսկվայում, հարակից շրջաններում ուժեղ քամու և կայծակների պատճառով հայտարարվել է եղանակային վտանգի «դեղին» մակարդակ:
«Վիմ-Ավիա» ռուսական ավիաընկերության ուղևորները բողոքի ակցիա են կազմակերպել Մոսկվայի «Դոմոդեդովո» օդանավակայանում՝ չվերթների զանգվածային ուշացումների պատճառով: Նրանք փակել են «Դոմոդեդովոյի» սպասասրահներից մեկը և արգելափակել տեղեկատվական կետերը: Նշվում է, որ հետաձգվել են ինչպես ներքին, այնպես էլ միջազգային չվերթներ:
