Շվեդ կինոռեժիսոր Ռուբեն էստլունդն իր «Քառակուսի» ֆիլմի համար արժանացել է Կաննի կինոփառատոնի գլխավոր մրցանակին՝ «Ոսկե արմավենու ճյուղի»։ Հիմնական մրցույթին 19 ֆիլմ է մասնակցել՝ հայտնում է RIA Novosti-ն։
Ռուս ռեժիսոր Անդրեյ Զվյագինցևը ստացել է Ժյուրիի մրցանակը՝ «Ատելություն» դրամայի համար։
Գրան-Պրին բաժին է հասել ֆրանսիացի Ռոբեն Կամպիյոյին, ով նկարահանել է «Րոպեում 120 հարված» ֆիլմը՝ 1990-ականների սկզբներին Փարիզում ՄԻԱՎ-ի դեմ սեռական փոքրամասնությունների պայքարի մասին։
Ժյուրիի կարծիքով՝ լավագույն ռեժիսոր է հանդիսանում Սոֆյա Կոպոլան, ով փառատոնին մասնակցել է «Ճակատագրական գայթակղություն» ֆիլմով։
Լավագույն դերասան է ճանաչվել Հոակին Ֆենիքսը, ով դերակատարում է ունեցել «Դու երբեք այստեղ չես եղել» ֆիլմում, իսկ լավագույն դերասանուհի է ճանաչվել Դիանա Կրյուգերը Ֆաթիհ Ակինի «Ոչ մի տեղից» ֆիլմում դերակատարման համար։ Փառատոնի 70-ամյակի պատվին ժյուրիի հատուկ մրցանակը ստացել է Նիկոլ Քիդմանը, ով ստուգատեսի հիմնական մրցույթին մասնակցել է երկու ֆիլմով։
Այս տարի կինոփառատոնն անցկացվել է մայիսի 17-28-ը։