Գերմանիայի իշխանությունները երկու շաբաթվա ընթացքում որոշում կընդունեն Թուրքիայի ռազմաօդային ուժերի «Ինջիրլիք» բազայից իրենց զինվորականներին դուրս բերելու մասին։ Այս մասին հայտնում է Interfax-ը։
Ներկայում ռազմաբազայի տարածքում գտնվում է Գերմանիայի 250 զինվորական՝ ԴԱԻՇ խմբավորման դեմ միջազգային կոալիցիայի պայքարի շրջանակում։
ԳԴՀ-ի իշխանությունների նման քայլի մասին հայտարարվել էր այն բանից հետո, երբ Անկարան մերժել էր գերմանական կողմի հարցումը այդ երկրի խորհրդարանականների «Ինջիրլիք» այցելելու հնարավորության տրամադրման վերաբերյալ։
Մայիսին կանցլեր Անգելա Մերկելը հայտարարել էր Բունդեսվերի զորախումբը «Ինջիրլիք» ռազմաբազայից հարևան Հորդանան հնարավոր տեղափոխման մասին։