ԱՄՆ Հետախուզությունների դաշնային բյուրոն (ՀԴԲ) դեռևս հունվարին բրիտանական Մի-5 հակահետախուզության ծառայությանը զգուշացրել էր, որ Մանչեսթերում ահաբեկչությունն իրականացրած Սալման Աբեդին ԴԱԻՇ-ի հյուսիսաֆրիկյան բջջի անդամ էր և հարձակում էր ծագրում Մեծ Բրիտանիայում: Այս մասին հայտնում է Daily Mail թերթը՝ հղում անելով աղբյուրներին անվտանգության ոլորտում:
Հաղորդվում է, որ դաշնային գործակալներն այս տեղեկությունը ստացել են Աբեդիի կապերը պարզելու արդյունքում:
Պարբերականի տեղեկությամբ՝ ՀԴԲ-ն Աբեդիին հետևում էր 2016 թ. կեսից: «ԱՄՆ-ից ազդանշան ստանալով՝ Մի-5-ը բռնեց Աբեդիին և խմբավորման այլ անդամների: Այդ ժամանակ համարվում էր, որ նա մահափորձ էր ծրագրում քաղաքական անձի վրա: Սակայն հետաքնությունն արդյունք չտվեց, և ցավոք, նա փախավ»,- պատմել է աղբյուրը:
Ահաբեկչությունը տեղի է ունեցել մայիսի 22-ին «Մանչեսթեր Արենա» մարզադաշտում երգչուհի Արիանա Գրանդեի համերգի ժամանակ: Ռումբը պայթեցրել է 22-ամյա Սալման Աբեդին, որը ծնվել է Մանչեսթերում՝ լիբիական ծագում ունեցող ընտանիքում: Վերջին տվյալներով՝ 22 մարդ է զոհվել, այդ թվում՝ 12 երեխա, 66 հոգի հիվանդանոցում է, նրանցից 23-ը ծայրահեղ վիճակում է: Մի քանի մարդ համարվում է անհետ կորած: Ահաբեկչության պատասխանատվությունը ստանձնել է ԴԱԻՇ-ը: