Լիբանանյան բանակբ ուրբաթ անցկացրել է ահաբեկչական խմբի դեմ գործողություն, որը կապված է ԴԱԻՇ ծայրահեղական կազմակերպության հետ։ Գործողությունն անցկացվել է սիրիական սահմանին մոտ գտնվող Նաբի-Օսման տեղանքում։ «Ալ-Մայադին» հեռուստաալիքի տվյալներով՝ զինվորականները փորձել են բռնել նրա պարագլուխ Բիլյալ Բուրեյդիին, սակայն բռնելու պահին նա պայթեցրել է իրեն։ Պայթեցման հետևանքով 6 զինվոր է վիրավորվել։
Հեռուստաալիքի փոխանցմամբ՝ ահաբեկիչները հարձակումներ են նախապատրաստել Բեքաա հովտի հյուսիսում գտնվող Ռաս-Բաալբեկ քաղաքի քրիստոնեական եկեղեցիներում։ Նրանց բազայում հայտնաբերվել են պայթուցիկների պաշարներ։
Չորեքշաբթի երկու պայթյուն է որոտացել քաղաքի եկեղեցիներից մեկի ցանկապատի մոտ։ Տեղի բնակիչներից ոչ ոք չի տուժել։
