Ուկրաինայի իրավիճակի կարգավորման հարցի քննարկումները, որոնք անցկացնում են ԱՄՆ-ի և Գերմանիայի առաջնորդները, ունեն լավ դինամիկա: Այդ մասին ուրբաթ օրը հայտարարել է Գերմանիայի կանցլեր Անգելա Մերկելը` Սիցիլիայում «Մեծ յոթնյակի» (G7) գագաթնաժողովի առաջին օրվանից հետո, հայտնում է TASS-ը:
Պատասխանելով ԱՄՆ նախագահ Դոնալդ Թրամփի հետ ունեցած հանդիպման արդյունքների մասին հարցին, Մերկելն ասել է, որ նրանք նախ և առաջ քննարկել են կլիմայի գլոբալ փոփոխության խնդիրները, հետո` առևտրին վերաբերող հարցեր:
«Երրորդ, մենք ևս մեկ անգամ քննարկեցինք Ուկրաինայի թեման, մինսկյան գործընթացը, թե ինչպես մենք այդ գործընթացի շրջանակներում կարող ենք արդյունավետ համագործակցել: Ես կարծում եմ, որ այդ պլանում զարգանում է լավ համագործակցություն»,- նրա խոսքերն է մեջբերում Գերմանիայի կառավարության մամուլի ծառայությունը:
