ՀՀ բնապահպանության նախարարության բնապահպանական պետական տեսչության կողմից մայիսի 22-26-ը իրականացված շրջայցերի, ԲՊՏ վարույթին հանձնված գործերի քննության և հաշվետվությունների ընդունման գործընթացում հայտնաբերված խախտումների արդյունքում կայացվել է 760.0 հազար դրամ ընդհանուր գումարի վարչական տուգանքի 11 որոշում և հաշվարկվել 666.0 հազար դրամ ընդհանուր գումարի շրջակա միջավայրին հասցված վնաս: Այս մասին տեղեկացրին ՀՀ բնապահպանության նախարարության տեղեկատվության և հասարակայնության հետ կապերի բաժնից:
Մասնավորապես`
Ապօրինի որսի իրականացման համար
Կազմվել է վարչական տուգանքի 1 որոշում` 30.0 հազար դրամ գումարով,
Առգրավվել է 435 հատ /81.0կգ/ «սիգ» տեսակի ձուկ, 9.5 կգ խեցգետին, 2 հատ խեցգետնաորսիչ, 3 հատ ձկնորսական ցանց, որից`
Գեղարքունիքի տարածքային բաժինը «Սևան ԱՊ» ՊՈԱԿ-ի հետ համատեղ իրականացրած ստուգայցերի ընթացքում առգրավել է /տիրազուրկ/` 435 հատ /81.0կգ/ «սիգ» տեսակի ձուկ, 182 հատ/9.5կգ/ խեցգետին, 3 հատ ձկնորսական ցանց, 2 հատ խեցգետնաորսիչ: Սիգ տեսակի ձուկն օրենքով սահմանված կարգով հանձնվել է Սևանի թիվ 1 «Բողբոջ», թիվ 4 «Գալիք», թիվ 3 «Հեքիաթ» մանկապարտեզներ, «Գավառի մանկատուն» ՊՈԱԿ, «Վարդենիսի նյարդահոգեբանական տուն-ինտերնատ» ՊՈԱԿ և «Սևանի հոգեբուժական հիվանդանոց» ՓԲԸ: Խեցգետինները կենդանի վիճակում բաց են թողնվել Սևանա լիճ, իսկ ցանցերը և խեցգետնաորսիչներն ի պահ են հանձնվել «Սևան ԱՊ»ՊՈԱԿ –ի պահեստ:
Արարատի տարածքային բաժինն իրականացրել է վարույթ, որի արդյունքում մեկ ֆիզիկական անձի նկատմամբ կայացվել է 30.0 հազար դրամի վարչական տուգանքի 1 որոշում:
Փայտանյութի ապօրինի տեղափոխում
Կազմվել է վարչական տուգանքի 1 որոշում` 100.0 հազար դրամ գումարով և հաշվարկվել է 666.0 հազար դրամ ընդհանուր գումարի շրջակա միջավայրին հասցված վնաս, որից`
Արագածոտնի տարածքային բաժնի աշխատակիցների շրջայցերի արդյունքում հայտնաբերված փայտանյութի ապօրինի տեղափոխման 1 դեպքի համար կայացվել է 100.0 հազար դրամի վարչական տուգանքի 1 որոշում և հաշվարկվել է 54.0 հազար դրամ գումարի շրջակա միջավայրին հասցված վնաս:
Տավուշի ոստիկանության երկու գրության հիման վրա տարածքային բաժնի կողմից իրականացվել է ավտոմեքենայում փայտանյութի զննման աշխատանքներ, կազմվել է մասնագիտական եզրակացություն, հաշվարկվել է ընդհանուր 17 խմ փայտանյութ՝ 612.0 հազար դրամի վնաս: Գործը հանձնված է իրավապահներին:
Բնապահպանական և բնօգտագործման վճարների եռամսյակային հաշվետվությունները սահմանված ժամկետում չներկայացնելու համար
Կազմվել է վարչական տուգանքի 6 որոշում՝ 420.0 հազար դրամ գումարով, որից՝
Արարատի տարածքային բաժնի կողմից 1 տնտեսվարողի նկատմամբ կայացվել է 50.0 հազար դրամի վարչական տուգանքի որոշում:
Երևանի տարածքային բաժնի կողմից 5 տնտեսվարողի նկատմամբ կայացվել է 370.0 հազար դրամ ընդհանուր գումարի վարչական տուգանքի 5 որոշում:
Մթնոլորտի պահպանության ոլորտ
Կազմվել է վարչական տուգանքի 1 որոշում` 50.0 հազար դրամ գումարով, որն է`
Շիրակի տարածքային բաժնի աշխատակիցների շրջայցերի արդյունքում հայտնաբերված առանց անթափանց ծածկոցի ավազի տեղափոխման 1 դեպքի համար մեկ ֆիզիկական անձի նկատմամբ կայացվել է 50.0 հազար դրամի վարչական տուգանքի որոշում:
Հողերի պահպանության ոլորտ
Կազմվել է վարչական տուգանքի 1 որոշում` 80.0 հազար դրամ գումարով, որն է`
Արմավիրի տարածքային բաժնի աշխատակիցների ստուգայցերի արդյունքում հայտնաբերված մեկ գործով կայացվել է 80.0 հազար դրամի վարչական տուգանքի 1 որոշում:
Շրջակա միջավայրի վրա ազդեցության փորձաքննության դրական եզրակացության բացակայության համար
Կազմվել է վարչական տուգանքի 1 որոշում` 80.0 հազար դրամ գումարով, որն է`
Գեղարքունիքի տարածքային բաժնի և «Սևան ԱՊ» ՊՈԱԿ -ի հետ համատեղ կազմվել է առանց շրջակա միջավայրի վրա ազդեցության փորձաքննական դրական եզրակացության գործունեություն իրականացնելու վերաբերյալ արձանագրություն, իրականացվել է վարչական վարույթ: Իրավախախտի նկատմամբ կիրառվել է 80.0 հազար դրամի վարչական տուգանքի 1 որոշում:
Ընդհանուր առմամբ ԲՊՏ կիրառված պատժամիջոցներից նշված ժամանակահատվածում ՀՀ պետական բյուջե է մուտքագրվել 0.5մլն.դրամ գումար:
