Ամերիկյան The New York Times պարբերականը հայտարարել է, որ Մանչեսթրի ահաբեկչության լուսաբանման ընթացքում գործել է հաստատված պրակտիկայի շրջանակներում:
Երկուշաբթի երեկոյան` ահաբեկչությունից անմիջապես հետո, ԶԼՄ-ները վկայակոչելով ամերիկյան ուժային կառույցներում աղբյուրի, սկսել են հայտնել հետաքննության մանրամասների մասին: Չորեքշաբթի The New York Times պարբերականը հրապարակել է ենթադրյալ պայթուցիկ սարքի լուսանկարը:
Մեծ Բրիտանիայի ՆԳ նախարար Էմբեր Ռադը հայտարարել է, որ հետաքննության մասին տեղեկատվության արտահոսքը առաջացրել է Լոնդոնի զայրույթը: Լրատվամիջոցների տվյալներով` երկրի վարչապետ Թերեզա Մեյը կտեղեկացնի ԱՄՆ նախագահ Դոնալդ Թրամփին այդ առթիվ իր անհանգստության մասին:
«Լուսանկարի և տեղեկատվության ներկայացումը չեն եղել նատուրալիստական և զոհերի նկատմամբ չեն եղել անհարգալից, նրանք համապատասխանել են սարսափելի հանցագործություններում օգտագործված զինքի մասին տեղեկատվության լուսաբանման ընդունված մոտեցմանը: Պարբերականը այլ լրատվամիջոցներ նույն կերպ են գործել ողջ աշխարհում տեղի ունեցած ահաբեկչություններից հետո` Բոստոնից մինչև Փարիզ և Բաղդադ, ինչպես նաև շատ այլ վայրերում»,- ասված է պարբերականի հայտարարության մեջ: