Պայուսակը, որով Նիլ Արմսթրոնգը գրեթե կես դար առաջ բերել է Լուսնի մակերևույթից վերցված քարերի նմուշներ, աճուրդի կհանվի Sothebyի կողմից: Կազմակերպիչները կանխագուշակում են, որ վերջնական գինը կգերազանցի 4 մլն. դոլարը:
Այդ պայուսակը 2015թ. Տեխասում աճուրդի ժամանակ 995 դոլարով ձեռք է բերել Նենսի Կարլսոն անունով մի կին փաստաբան Չիկագոյից: Գնելուց հետո նա պայուսակի մեջ հայտնաբերել է փոքրիկ քարեր և փոշի: Կարլսոնը դրանք հանձնել է NASA-ին, որտեղ նրան հայտնել են, որ պայուսակի պարունակությունը վերցված է Լուսնի մակերևույթից, և այն պետական սեփականություն է. վաճառվել է սխալմամբ: Սակայն կնոջը հաջողվել է դատարանի միջոցով պայուսակը սեփականություն ճանաչել, և այժմ նա այն վաճառում է աճուրդում:
Աճուրդը տեղի կունենա հուլիսի 20-ին՝ «Ապոլլոն-11»-ի առաքելության 48-րդ տարեդարձի առթիվ: Վաճառքից ստացված գումարը կինը մտադիր է ծախսել բարեգործական նպատակներով:
