ացյալ Նահանգների Կոնգրեսի Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսը, Ներկայացուցիչների պալատի անդամներ Էլիոտ Էնգելը, Քևին ՄըքՔարթին և Սթենի Հոյերը ներկայացրել են 354 բանաձևը, որը դատապարտում է մայիսի 16-ին Վաշինգտոնում Թուրքիայի դեսպանի կեցավայրի դիմաց խաղաղ ցուցարարների նկատմամբ կիրառված բռնությունը: Այս մասին հաղորդում է Ամերիկայի հայկական համագումարի կայքը:
Բանաձևում նշվում է, որ խաղաղ ցույցի ժամանակ ծագեց այն ժամանակ, երբ Էրդողանին սատարող ուժերը և Թուրքիայի դեսպանատնից անհատ անձինք հարձակվեցին խաղաղ ցուցարարների վրա: «Թուրքական անվտանգության զինված աշխատակիցները ծեծեցին, խփեցին ու խեղդեցին անզեն ցուցարարներին»,- ասվում է 354 բանաձևում:
Այդպիսով թուրքական պաշտոնյաները խախտել են ԱՄՆ քաղաքացիների իրավունքները՝ շեշտում են բանաձևի հեղինակները:
Ընդ որում, հիշատակվում են կատարվածի մասին Վաշինգտոնի ոստիկանության ու այլ զեկույցները, որտեղ արձանագրված է, որ ցուցարարները բռնություն չեն հրահրել, և որ սա Թուրքիայի նախագահ Էրդողանի անվտանգության աշխատակիցների կողմից բռնության գործադրման երրորդ դեպքն է:
Բանաձևը կոչ է անում «ԱՄՆ օրենքներով դատապարտել ու պատասխանատվության ենթարկել թուրքական ցանկացած անվտանգության աշխատակցի, ով ղեկավարել, համակարգել կամ մասնակցել է թուրքական անվտանգության աշխատակիցների կողմից մայիսի 16-ին խաղաղ ցուցարարների նկատմամբ անօրինական ճնշում գործադրելուն»: «Միացյալ Նահանգները պետք է քայլեր ձեռնարկեն ուժեղացնելու մամուլի կամ քաղաքացիական հասարակության ազատությունն այնպիսի երկրներում, ինչպիսինն է Թուրքիան»,- ասվում է բանաձևում:
Հիշեցնենք, որ մայիսի 16-ին ԱՄՆ-ում Թուրքիայի դեսպանատան դիմաց ցույցին մասնակցել են քրդական, հայկական, ասորական համայնքի ներկայացուցիչներ: