Ահաբեկչությունը և երիտասարդության արմատականացումը չորեքշաբթի օրը քննարկվել է Վատիկանում` ԱՄՆ նախագահ Դոնալդ Թրամփի և Հռոմի պապ Ֆրանցիսկոսի հանդիպման ժամանակ, լրագրողներին հայտնել է ԱՄՆ պետքարտուղար Ռեքս Թիլերսոնը, հայտնում է RIA Novosti-ն:
Քննարկվել է «ահաբեկչությունը և երիտասարդության արմատականացումը»,- ինքնաթիռում լրագրողներին հայտարարել է Թիլերսոնը` Հռոմից Բրյուսել մեկնելու ճանապարհին: Նա նաև հայտարարել է, որ բրիտանական Մանչեսթրում վերջերս տեղի ունեցած ահաբեկչությունը «միայն ամրացնում է ՆԱՏՕ-ի դաշնակիցների վճռականությունը»: