Թուրքիայում ԱՄՆ դեսպան Ջոն Բասին կանչել են ԱԳՆ՝ Վաշինգտոնում Ռեջեփ Թայիփ Էրդողանի այցի ժամանակ տեղի ունեցած միջադեպի կապակցությամբ: Այս մասին հաղորդում է RIA Novosti-ն:
«ԱՄՆ-ի ուժայինները գործողությունները թուրք պաշտոնյաների թիկնապահների հանդեպ Վաշինգտոն Ռեջեփ Թայիփ Էրդողանի այցի ընթացքում չեն համապատասխանում դիվանագիտական էթիկային: Բողոքը փոխանցվել է ԱՄՆ դեսպանին գրավոր և բանավոր ձևով»,-ասվում է հաղորդագրությունում:
Թուրքիայի ԱԳՆ-ն ամերիկացի դեսպանից պահանջել է հետաքննել միջադեպը և հանդես գալ համապատասխան պարզաբանումներով:
Հիշեցնենք, որ Միացյալ Նահանգներ այցելող Թուրքիայի նախագահ Ռեջեփ Թայիփ Էրդողանի դեմ մայրաքաղաք Վաշինգտոնում կազմակերպված խաղաղ ցույցի մասնակիցները հարձակման են ենթարկվել մի խումբ թուրք ազգայնամոլների կողմից: Ավելի ուշ հայտնի է դարձել, որ հարձակումն իրականացրել են Էրդողանի անվտանգության աշխատակիցները: Ցույցը կազմակերպվել էր Հայ դատի ԱՄՆ հանձնախմբի, Ամերիկայի Հելենական խորհրդի և մի շարք քրդական, ասորական և հունական կազմակերպությունների կողմից:
Ամերիկացի մի շարք կոնգրեսականներ միջադեպից հետո խստորեն քննադատել են Անկարային՝ Միացյալ Նահանգներին կոչ անելով անպատիժ չթողնել թուրքերի կողմից հայ, քուրդ խաղաղ ցուցարարների վրա հարձակումը: