Մի շարք հիմնադրամներ Հայաստանում գործում են ԱՄՆ աջակցությամբ, թույլտվությամբ և պայմանագրով, օրինակ՝ «Լինսի» հիմնադրամը (որը Հայաստանում ամենամեծ ներդրողներից էր միջպետական համաձայնագրի հիման վրա էր գործում), «Հայկական բարեգործական ընդհանուր միությունը», «Թուֆենկյան»- ը անգամ «Հայաստան» հիմնադրամը»:
Օրինակ` երբ որ «Հայաստան» հիմնադրամը դրամահավաք է կազմակերպում, դա ամերիկյան պետության փողն է, մարդիկ, որ այդ հիմնադրամին փող են տրամադրում, առնվազն 50 տոկոսով հետ են ստանում պետության՝ ԱՄՆ-ի կողմից: Այս մասին այսօր «ԱՄՆ աջակցությունը Հայաստանում ժողովրդավարության կայացմանը» թեմայով քննարկմանը ժամանակ ասաց «Մոդուս վիվենդի» կենտրոնի ղեկավար, քաղաքագետ Արա Պապյանը՝ հավելելով, որ ԱՄՆ-ը երբեք խնդիր չի հարուցել, որ Արցախում՝ որպես չճանաչված երկրում ինչ-որ բան են ուզում կառուցել:
Քաղաքագետի դիտարկմամբ՝ վատ կառավարման և յուրացման հետևանքով հիմնադրամները փակվում են. «Օրինակ՝ «Լինսի հիմնադրամ»- ը փակվեց, այն դեպքում, երմ 1 միլիարդ դոլարի պայմանավորվածություն կար: Կամ «Հայաստան» հիմնադրամի ադմինիստրատիվ ծախսերը չպետք է գերազանցեին 10 տոկոսը, մինչդեռ տեղեր կան, որ 50 տոկոս է կազմում, այսինքն՝ մարդիկ հսկայական փողեր են սարքում դրա վրա»:
Ա. Պապյանի խոսքով՝ ԱՄՆ-ը մի շրջան աջակցեց Հայաստանին, սակայն հետո վերլուծեցին և հասկացան, որ այն օգնության ձևը, որ իրենք իրականացնում են հետխորհրդակին երկրներում, էֆեկտիվ չէ, և 28 երկրների փոխարեն որոշում կայացվեց օգնել 4 երկրի, և քաղաքական ընտրությունը կանգ առավ Վրաստանի վրա:
«Մեր տգիտության պատճառով ԱՄՆ-ի վերաբերմունքը Հայաստանի նկատմամբ փոխվել է»,- ընդգծեց Արա Պապյանը:
Մանրամասները՝ տեսանյութում: