Թուրքիայում արտակարգ դրության ռեժիմը կպահպանվի այնքան ժամանակ, քանի դեռ չի ապահովվել կայունություն և անվտանգություն՝ հայտարարել է երկրի նախագահ Ռեջեփ Թայիփ Էրդողանը, ով այսօր ելույթ է ունեցել իշխող «Արդարության և զարգացում» կուսակցության արտահերթ համագումարում։
Արտահերթ համագումարը գումարվել էր Էրդողանին կուսակցության նախագահ ընտրելու համար։ Թուրքիայի առաջնորդը կուսակցություն վերադառնալու որոշում էր ընդունել ապրիլի 16-ի սահմանադրական հանրաքվեի վերջնական արդյունքների հրապարակումից հետո։ Հանրաքվեի արդյունքներով նա ստացել էր հավանություն՝ անցում կատարելու կառավարման նախագահական համակարգի։ Հանրաքվեի արդյունքում ընդունված սահմանադրական ուղղումերի համաձայն՝ նախագահը կարող էր չլքել իր քաղաքական կուսակության շարքերը, ինչպես նախատեսված էր առաջ։
Արտակարգ դրության ռեժիմը Թուրքիայում սահմանվել էր անցած տարվա հուլիսին տեղի ունեցած հեղաշրջման փորձից հետո՝ երեք ամսով։ Այնուհետև այն երեք անգամ երկարացվել է ևս երեք ամսով՝ կառավարության որոշմամբ և խորհրդարանի հավանությամբ։
