Այսօր ավարտում ենք ԱԺ ղեկավարության ձևավորումը: Եվ ԱԺ առաջին նիստում մենք տեսանք, որ ցավոք սրտի, հին ձևերով մեծամասնությունը մերժողական կեցվածք ունի փոքրամաանության նկատմամբ: Եվ այս առումով տպավորությունը բավականին գաղջ է: Այս մասին այսօր ԱԺ-ում ասաց Ազգային ժողովի «Ելք» խմբակցության ղեկավար Նիկոլ Փաշինյանը:
Նա նշեց, որ «Ելք» խմբակցությունը քվեարկելու է ԱԺ մշտական հանձնաժողովների նախագահների՝ «Ծառուկյան» դաշինքի թեկնածուների օգտին:
««Ծառուկյան» դաշինքի վերաբերյալ մեր դիրքորոշումը շարունակում է մնալ նույնը. քվեարկելու ենք «Ծառուկյան» դաշինքի առաջադրած թեկնածուներին կողմ: Չնայած՝ երեկվա քվեարկությունը մեզ նույնպես մտահոգեց, չնայած իրենք պաշտպանում են Ազգային ժողովում 9 հանձնաժողով ունենալու փոխարեն 10-ն ունենալու մեր դիրքորոշումը, բայց որոշ պատգամավորներ հանրապետականի առաջարկած տարբերակին կողմ քվեարկեցին»,- ասաց Փաշինյանը:
Մանրամասները՝ տեսանյութում: