«Ելք» դաշինքի պատգամավոր Արամ Սարգսյանն այսօր ԱԺ նիստում տնտեսական հարցերի մշտական հանձնաժողովի նախագահի թեկնածու, ՀՀԿ-ական պատգամավոր Խոսրով Հարությունյանին հարց ուղղեց ԵՏՄ-ի վերաբերյալ:
Նա նշեց, որ 2016թ. հարեւան Վրաստան է այցելել 6 միլիոն 500 000 զբոսաշրջիկ, որից 1 միլիոն 500 000-ը հայեր: Իսկ Հայաստան այցելել է 1 միլիոն 600 000 զբոսաշրջիկ: «Չե՞ք կարծում, որ ԵՏՄ-ին անդամակցելով՝ առաջիկա հինգ տարում ՀՀ-ին դատապարտում ենք նման նկարագրի կրկնությանը»,- հարցրեց Արամ Սարգսյանը:
Խոսրով Հարությունյանը չհամաձայնեց. «…Այսօր առանձին պետությունները չեն մրցակցում, մրցակցում են մեգա-տնտեսությունները: ՀՀ-ն, ցավոք, այլ ընտրություն չուներ: Պատկերացրեք, եթե դուրս գանք ԵՏՄ-ից, դա չի նշանակում, թե հաջորդ օրը ԵՄ-ն գրկախառն մեզ ընդունելու է»:
Խոսրով Հարությունյանը համոզմունք հայտնեց, որ ՀՀ-ի՝ ԵՏՄ-ին անդամակցելն արդարացված է եւ այն չի խոչընդոտում ԵՄ-ի եւ այլ կառույցների հետ համագործակցությանը:
«Չեմ կիում ձեր տեսակետը Դուք եւ Ձեր նախագահը ժամանակին կարող էիք վավերացնել ԵՄ-ի հետ Ասոցացման համաձայնագիրը, բայց մեկ գիշերվա մեջ հրաժարվեցիք: Այնպես որ դասընթացներ անցկացնելն այնքան էլ ճիշտ չեմ համարում»,- արձագանքեց Արամ Սարգսյանը:
ԱԺ փոխնախագահ Էդուարդ Շարմազանովն արձագանքեց. «Հենց նոր մենք ականատես եղանք երկու նախկին վարչապետների գաղափարական բանավեճին»:
Մանրամասները՝ տեսանյությում:
