ԱՄՆ նախագահ Դոնալդ Թրամփը կոլումբացի իր գործընկեր Խուան Մանուել Սանթոսոի հետ հանդիպման արդյունքներով մամուլի ասուլիսի ժամանակ խոսելով կոկաինի արտադրության կանխարգելման մասին, երկու անգամ արտասանել է «կակաո» բառը «կոկաինի» փոխարեն: Ամերիկացի առաջնորդի հայտարարության տեսանյութը հրապարակել է CBS LA հեռուստաալիքը Twitter-ի իր էջում:
«Անցած տարի կակաոի աճեցումը և կոկաինի արտադրությունը Կոլումբիայում հասել է ռեկորդային չափերի»,- մասնավորապես ասել է Թրամփը:
Դա զվարճացրել է միկրոբլոգերներին, որոնք ձևացրել են, թե վախեցել են շոկոլադի ապագայի համար: «Միայն ոչ կակաոն: Խնդրում ենք, միայն ոչ կակաոն»,- գրել է նրանցից մեկը` մեկնաբանելով CBS-ի հրապարակումը:
Մյուսները նկատել են, որ հայտարարության տեքստը դրված է եղել Թրամփի առջև, և սարսափել են այն բանից, որ «նա նույնիսկ չի կարողանում կարդալ»:
WATCH: Pres. Trump appears to refer to Colombia ‘cocoa’ production instead of ‘coca’, which is the plant cocaine is derived from pic.twitter.com/HJNeYxUlpB
— CBS Los Angeles (@CBSLA) 18 мая 2017 г.