Հայաստանում 2017 թվականի ապրիլի 30-ի դրությամբ ԱՊՊԱ պայմանագիր ունեցող ավտոտրանսպորտային միջոցների քանակը կազմել է 457 հազար 756, ինչը նախորդ ամսվա համեմատ աճել է 4 հազար 139-ով։ Այս մասին տեղեկացնում է Հայաստանի ավտոապահովագրողների բյուրոն։
ԱՊՊԱ ոլորտում ամենամեծ տեսակարար կշիռն ունի «ՌՈՍԳՈՍՍՏՐԱԽ-ԱՐՄԵՆԻԱ» ընկերությունը՝ 125 956 տրանսպորտային միջոց, որը կազմում է ընդհանուր թվի 28%-ը։
Երկրորդ տեղում «ԻՆԳՈ ԱՐՄԵՆԻԱ»-ն է (97 338 տրանսպորտային միջոց, 21%), երրորդում՝ «ՆԱԻՐԻ ԻՆՇՈՒՐԱՆՍ»-ը (87 346 տրանսպորտային միջոց, 19%)։
Ապրիլ ամսվա համար բավարարված դիմումների գծով վճարված (վճարվելիք) հատուցումների ընդհանուր գումարը կազմել է մոտ 534 մլն դրամ, ինչը նախորդ ամսվա համեմատ նվազել է մոտ 497 մլն դրամով, իսկ վճարված հատուցումների առանձին տեսակները ունեն հետևյալ տեսքը (հազար ՀՀ դրամ) ՝
Ամսվա ընթացքում կարգավորված դիմումների քանակը կազմել է 2,609, ինչը նախորդ ամսվա համեմատ նվազել է 2,786-ով։ Բավարարված մեկ դիմումի գծով հատուցման միջին չափը 2017թ. ապրիլ ամսվա դրությամբ կազմել է 180,000 ՀՀ դրամ:
2017 թվականի ապրիլ 30-ի դրությամբ վնասաբերության ցուցանիշը կազմում է մոտ 59%, ինչը նախորդ տարվա նույն ամսաթվի համեմատ աճել է մոտ 12 տոկոսային կետով։