Ադրբեջանի ԱԳՆ-ն արձագանքել է ԵԱՀԿ Մինսկի խմբի նախօրեին տարածած հայտարարությունը՝ այն որակելով «անարդար և ոչ օբյեկտիվ»:
Ադրբեջանի ԱԳՆ-ի պաշտոնական ներկայացուցիչ Հիքմեթ Հաջիևը նշել է, որ «ադրբեջանական ԶՈՒ-ն գտնվում է Ադրբեջանի ինքնիշխան տարածքում» և կարող է անել այն ամենը, ինչ ցանկանա: Ընդ որում, Հաջիևը չի ժխտել գնդակոծության փաստը:
Միևնույն ժամանակ նա նշել է, որ ԵԱՀԿ ՄԽ համանախագահները, ղեկավարվելով Մադրիդյան սկզբունքներով, առաջին հերթին պետք է պահանջեն, որպեսզի Հայաստանը դուրս բերի զորքերը «գրավյալ տարածքներից»՝ կոչ անելով շարունակել սուբստանտիվ բանակցությունները՝ արցախյան հակամարտության խաղաղ կարգավորրման համար:
Հիշեցնենք, որ նախօրեին ԵԱՀԿ-ն հասցեական գնահատական է տվել արցախյան հակամարտության շուրջ ստեղծված իրավիճակին: Հայտարարության մեջ նշվել է, որ Ադրբեջանը հրթիռային կրակ է բացել շփման գծի երկայնքով:
