«Չեմ եկել ԱԺ-ում ոչինչ փոխելու, եկել եմ, որ իմ ընտրողների ձայներն արդարացնեմ»,- այսօր ԱԺ-ում լրագրողների հետ զրույցում ասաց նա:«Ծառուկյան» դաշինքի պատգամավոր Դավիթ Մանուկյանը:
Հարցին՝ նախաձեռնություններո՞վ է պատրաստվում հանդես գալ, նորընտիր պատգամավորն ընդգծեց. «Առաջիկայում հանդես կգամ, դուք ինքներդ կտեսնեք»:
Դավիթ Մանուկյանը համաձայն չէ հնչող այն տեսակետի հետ, թե ինքը նշանակվել է պատգամավոր` ընդգծելով, որ իրեն 21 000 քաղաքացի է ընտրել, իսկ թե որ արժանիքների համար են իրեն ձայն տվել, պատգամավորը հորդորեց. «Այդ հարցը պետք է ուղղել Կոտայքի բնակիչներին»:
Պատգամավորը նաև նշեց, որ խորհրդարանում իրեն լավ է զգում և չի նեղվում այն հանգամանքից, որ նորեկ է: Անդրադառնալով դիտարկմանը, որ ինքը նորեկ է ԱԺ-ում և նախկինում քաղաքական գործունեություն չի իրականացրել, Մանուկյանը նշեց. «Իսկ մնացած քաղաքական գործունեություն ծավալող մարդիկ մորից ըտենց են ծնվել հա՞: Աստիճանաբար դարձել են չէ՞: Ես իմ աշխատանքը խորհրդարանում էի պատկերացնում»:
Մանրամասները՝ տեսանյութում:
