«Մենք չենք ընդունում ձևաչափը, որով անցկացվել են այսպես կոչված նախագահական ընտրությունները Հարավային Օսիա անվանվող վրացական անջատողական շրջանում»,- «IPN» գործակալությանը հայտնել են ԵՄ դիվանագիտության ղեկավար Ֆեդերիկա Մոգերինիի գրասենյակից:
«IPN» գործակալությունը դիմել է Ֆեդերիկա Մոգերինի գրասենյակին` Հարավային Օսիայում այսպես կոչված նախագահական ընտրություններում Անատոլի Բիբիլովի հաղթանակի առթիվ ԵՄ-ում Հարավային Կովկասի և Վրաստանի ճգնաժամային իրավիճակների հարցերի հատուկ ներկայացուցիչ Հերբերտ Զալբերի շնորհավորանքի կապակցությամբ:
«ԵՄ-ն լիովին և ակտիվորեն աջակցում է Վրաստանի ինքնիշխանությանն ու տարածքային ամբողջականությանը նրա միջազգայնորեն ճանաչված սահմաններում: Համապատասխանաբար, մենք չենք ընդունում ձևաչափը, որով անցկացվել են այսպես կոչված նախագահական ընտրությունները վրացական անջատողական Հարավային Օսիա շրջանում: Եվրամիությունը նաև առաջարկում է ջանքեր գործադրել հակամարտության խաղաղ կարգավորման համար, այդ թվում՝ ժնևյան միջազգային քննարկումներում համանախագահության ճանապարհով: Այդ սկզբունքները հիմք են հանդիսանում ԵՄ-ի համանախագահության մանդատի և գործունեության համար»,- հայտարարել է ԵՄ արտաքին քաղաքականության և անվտանգության հարցերով գերագույն ներկայացուցչի մամլո քարտուղար Մայա Կոսյանչիչը: