«Առաջին լրատվական»- ի զրուցակիցն է ՀՀԿ խմբակցության ղեկավար Վահրամ Բաղդասարյանը:
-Պարոն բաղդասարյան, ինչո՞ւ որոշումը կանգ առավ Արա Բաբլոյանի վրա: Մամուլում գրվում է, որ նա այնքան էլ քաղաքական դեմք չէ, ավելի շատ ապաքաղաքական դեմք է, բժիշկ է, և նրա տեղը կարծեք թե Ազգային ժողովը չէ, ինչո՞ւ կայացվեց մի որոշում, որը շատերի համար ընկալելի չէ:
-Որոշումը կայացվել է քննարկման արդյունքում, յուրաքանչյուր պատգամավոր երբ մուտք է գործում Ազգային ժողով, նա արդեն պետք է լինի քաղաքական անձնավորություն: Իսկ Արա Բաբլոյանը բավականին փորձ ունի, արդեն երրորդ անգամն է ԱԺ պատգամավոր է ընտրվում, ղեկավարել է կարևորագույն հանձնաժողովներից մեկը, ունի Գործադիր մարմնում կառավարման փորձ, ունի նաև միջազգային կառույցների հետ աշխանքի փորձ: Քաղաքական դեմք ասելով՝ չպետք է հասկանալ անընդհատ ելույթներ ունենալը, խոսելը լրագրողների հետ, նա պասիվ չի եղել: Իսկ ընդհանուր առմամաբ նրա քաղաքական մոտեցումները աշխատանքի ընթացքում կբացահայտվի, և վսատհ եմ, որպես քաղաքական կերպար, որպես ԱԺ նախագահ նա կդրսևորվի:
-Ավելի երիտասարդներին ինչո՞ւ նախապատվություն չտրվեց:
-Դա մեր մարտավարությունն է, մեր կուսակցության ներքին խնդիրն է: Մենք բավականին երիտասարդներ ենք ընդգրկել և՛ ԱԺ կազմում, և ղեկավար կազմում, մենք սերնդափոխությունը պետք է կատարենք շատ ներդաշնակ, և այդ սերնդափոխությունը կատարում ենք:
Հարցազրույցն ամբողջությամբ՝ տեսանյութում:
