Մահացել է հայտնի երաժիշտ Քրիս Քորնելը: Այս մասին հաղորդում է Fox News հեռուստաալիքը՝ վկայակոչելով երգչի ներկայացուցչին:
Քորնելը հայտնի էր Soundgarden և Audioslave ռոք խմբերով: Նա նաև հանդիսանում է «You know my name» հայտնի երգի կատարողը, որը գրվել է «Կազինո Ռոյալ» ֆիլմի համար
Associated Press գործակալությունն իր հերթին 52-ամյա Քորնելի մահը որակել է անսպասելի և նշել, որ նրա ընտանիքը ցնցված է: Ընտանիքի անդամները աշխատելու են դատաբժշկական փորձաքննող խմբի հետ՝ հասկանալու, թե ինչն է եղել երաժշտի համկարծակի մահվան պատճառը:
Քորնելր հեղինակել էր «Խոստում» երգը Հայոց ցեղասպանության մասին պատմող հոլիվուդյան համանուն ֆիլմի համար: Խոսելով ֆիլմի մասին՝ երգիչն ասել էր. «Մենք պետք է տեղյակ լինենք անցյալում տեղի ունեցած դեպքերի մասին: Դա շատ կարևոր է ինձ համար, քանի որ մենք չենք պատմում պարզապես մեկ դարյա հնության պատմություն, մենք խոսում ենք այն պատմության մասին, որը տեղի է ունենում այսօր»: